Vaşinqton Pan Gi Munun qardaşının həbsini tələb edir

ABŞ hökuməti Cənubi Koreyanın Ədliyyə Nazirliyinə BMT-nin keçmiş baş katibi Pan Gi Munun qardaşının həbsi ilə bağlı sənəd göndərib.

Oxu.Az Trend-ə istinadən xəbər verir ki, Amerika hökuməti Pan Gi Sanı rüşvətdə və pulların yuyulmasında ittiham edir.

Məlumata görə, söhbət Vyetnamda “Keongnam Enterprises” firmasına məxsus binanın satışı zamanı 500 min ABŞ dolları dəyərində rüşvətdən gedir.

Prokurorluqda bildiriblər ki, həbsdən sonra Pan Gi Sanın ekstradisiyasını da tələb edəcəklər.

Qeyd edək ki, bundan öncə Pan Gi Munun ABŞ-da yaşayan daha bir qohumu Çu Xen Pan da rüşvətə görə həbs edilib. O, Pan Gi Sanın oğludur.

E.Ə.
www.oxu.az