Bişkekdə təyyarə qəzasında ölənlərin sayı 39-a çatdı
Bişkekdə təyyarə qəzasında ölənlərin sayı 39-a çatdı
Bişkekdə “Boeing 747” yük təyyarəsinin qəzaya uğraması nəticəsində ölənlərin sayı 39-a çatdı.
Oxu.Az xəbər verir ki, bu barədə TASS Qırğızıstan Səhiyyə Nazirliyinə istinadən xəbər verir.
“Travmatologiya və ortopediya Elmi-tədqiqat mərkəzində 29 yaşlı Sağınbek Rahmanov ölüb. O, xəstəxanaya hadisə yerindən gətirilmişdi”, - mərkəzdən bildiriblər.
Mərkəzin əməkdaşlarının sözlərinə görə, ölümə səbəb zərərçəkənin aldığı çoxsaylı yanıq xəsarətləri olub.
“Əməkdaşlarımız əlindən gələn hər şeyi ediblər, amma xəstəni xilas etmək mümkün olmayıb”, - Səhiyyə Nazirliyindən bildiriblər.
“Hazırda Bişkekin xəstəxana və klinikalarında təyyarə qəzasından zərərçəkən 10 nəfər var”, - nazirlikdən qeyd ediblər.
Honqkonq-Bişkek marşrutu üzrə hərəkət edən Türkiyənin şirkətlərindən birinə məxsus “Boeing” Qırğızıstanın paytaxtının Manas aeroportu yaxınlığında eniş edərkən qəzaya uğrayıb.
N.O.
www.oxu.az