İstanbulda gecə klubunda terror aktının mümkün təşkilatçısı həbs edilib

Türkiyənin hüquq-mühafizə orqanı əməkdaşları yeni il gecəsi İstanbulda yerləşən “Reina” gecə klubunda törədilən və 40 insanın ölümü ilə nəticələnən terror aktının təşkilində şübhəli bilinən şəxsi həbs ediblər.   

Oxu.Az Türkiyə KİV-nə istinadən xəbər verir ki, saxlanılan şəxs türk əsilli Fransa vətəndaşıdır. 
Hücumu təşkil etməkdə şübhəli bilinən şəxsin adı “İslam dövləti” terror qruplaşması ilə əlaqədar olması ilə axtarılanların siyahısında olub. 

Qeyd edilir ki, o, Türkiyə paytaxtında mənzil icarəyə götürüb, terror aktının icraçısı da burada gizlənirdi. 

Daha öncə İstanbulda Özbəkistan vətəndaşı Abdulqədir Maşaripov saxlanılıb. O, “Reina” gecə klubunda 39 nəfəri güllələməkdə ittiham edilir. 

N.O.
www.oxu.az