Türkiyə Qara dəniz sahilinə gələn hər çarter reysi üçün pul ödəyəcək
Türkiyə Qara dəniz sahilinə gələn hər çarter reysi üçün pul ödəyəcək
Türkiyə Qara dəniz sahilinə gələn hər çarter reysi üçün ən azı altı min dollar pul ödəyəcək. Ölkə hakimiyyəti tur operatorlarının subsidiya proqramının coğrafiyasını genişləndirmək qərarına gəlib.
Oxu.Az Rambler news-a istinadən xəbər verir ki, yeni siyahıya, əsasən, Qara və Aralıq dənizləri sahillərində olan 12 aeroport daxildir.
Proqramın şərtlərinə görə, 2017-ci ilin dekabr ayının 31-nə qədər yerinə yetirilən minimum 100 sərnişin olan hər çarter reysinə görə, təşkilatçılar Türkiyənin Turizm və Mədəniyyət Nazirliyi tərəfindən altı min dollar alacaq. 150-dən çox sərnişinin olduğu marşrutlarda bu məbləğ 30 faiz artırıla bilər.
Subsidiyalar əsasən, Qara dəniz əyalətləri - Trabzon, Ordu, Giresun, Çarşamba (Samsun), Dənizli, İsparta və Əskişəhərə aiddir. Daha öncə tur operatorlar və aviaşirkətlər Antalya, Alaniya, Dalaman, Bodrum, İzmir və Kutahya əyalətinə çarter üçün pul alırdılar.
N.O.
www.oxu.az