Hindistanda almaniyalı qadını dişləyərək qarət ediblər

Hindistanda naməlum şəxs almaniyalı turist qadına hücum edib.

Oxu.Az-ın xəbərinə görə, bu barədə cümə axşamı, fevralın 21-də, The New Indian Express qəzeti məlumat yayıb.

Nəşrin məlumatına əsasən, hadisə fevralın 20-də ölkənin cənub-qərbində Maysur şəhərinin ətrafında baş verib. 

32 yaşlı qadın günəşin qürubunu yüksəklikdən seyr etmək üçün yaşayış məntəqəsinin yaxınlığında təpəyə qalxıb.

Hava qaralanda səyahətçi təpədən aşağı düşüb. Bu zaman onu naməlum kişi izləməyə başlayıb. Cinayətkar qadına təcavüz etmək istəyib, qadın müqavimət göstərib, kişi isə onu dişləyib.

Almaniyalı turist yoldan keçən insanları köməyə çağırıb. Qorxuya düşən cinayətkar qadının 38 dollar pulunu oğurlayaraq hadisə yerindən qaçıb. 

Hazırda yerli polis faktla bağlı araşdırma aparır.

S.B.
www.oxu.az