Kiyev Rusiyanı BMT-nin Təhlükəsizlik Şurasında veto hüququndan məhrum etməyə çağırıb

Ukraynanın Xarici işlər naziri Pavel Klimkin Rusiyanı BMT-nin Təhlükəsizlik Şurasında veto hüququndan məhrum etməyə çağırıb.

Oxu.Az bu barədə UNİAN agentliyinə istinadən xəbər verir. 

“Münaqişə tərəfinin BMT-nin TŞ-nın daimi üzvü kimi bu masa arxasında olmasına baxmayaraq, Şuranın “qanlı münaqişələrə” effektiv reaksiya vermək qabiliyyəti olmalıdır”, - bunu P.Klimkin  Təhlükəsizlik Şurasının Avropada həll olunmamış münaqişələrə həsr olunmuş iclasda bildirib.  

Ukrayna XİN rəhbəri BMT-nin Nizamnaməsinin 27 maddəsini xatırladıb. Həmin maddəyə görə, mübahisəli məsələdə iştirak edən tərəf qərar qəbul edilərkən bitərəf olmalıdır. Onun sözlərinə görə, bu maddənin “iqnor” edilməsi yolverilməzdir. 

Hazırda BMT TŞ-nin daimi üzvləri Rusiya, ABŞ, Çin, Fransa və Böyük Britaniya veto hüququna malikdirlər, bu, hüquq onlara beynəlxalq təşkilatın istənilən qətnaməsini blok etməyə imkan verir. 

N.О.
www.oxu.az