Homsda partlayışlar: Ölən və yaralananlar var – YENİLƏNİB

Homsda törədilən terror aktında ölənlərin sayı 35 nəfərə çatıb. Onlarla insan yaralanıb.

Oxu.Az xəbər verir ki, bu barədə “RİA Novosti”yə hadisə yerində olan məlumatlı mənbə bildirib.

Xatırladaq ki, Homs şəhərində hərbi müəssisələrin yaxınlığında iki kamikadze-terrorçu özünü partladıb.

Kamikadzenin özünü partlatması nəticəsində hərbi bazanın rəisi general Həsən Daabul da partlayış zamanı ölüb.

11:34

Suriyanın Homs şəhərində hərbi müəssisələrin yaxınlığında iki kamikadze-terrorçu özünü partladıb, hadisə nəticəsində ölən və yaralananlar var. 

Oxu.Az RİA Novosti-yə istinadən xəbər verir ki, bu barədə Novosti-yə hadisə yerində olan məlumatlı mənbə bildirib. 

“Məlumata görə, Homs şəhərində iki kamikadze-terrorçu özünü partladıb. Biri dövlət təhlükəsizliyi şöbəsinin binasının yanında, digəri isə hərbi kəşfiyyat xidmətinin şöbəsinin yanında”, - agentliyin həmsöhbəti bildirib. 

İlkin məlumata görə, hərbi kəşfiyyat xidməti şöbəsinin yaxınlığında baş verən partlayışda 15-dən çox adam ölüb. Dövlət təhlükəsizliyi şöbəsinin yaxınlığında baş verən partlayışda həyatını itirənlər haqqında hələlik məlumat yoxdur. 

N.О.
www.oxu.az