Türkiyədə Xocalı soyqırımının anım mərasimində dava düşüb – FOTO
Türkiyədə Xocalı soyqırımının anım mərasimində dava düşüb – FOTO
Türkiyənin Kocaeli Universitetində Xocalı qətliamı anılıb. Soyqırımda həyatını itirənləri yad edən tələbələrlə onlara müxalif fikirdə olanlar arasında dava düşüb.
Oxu.Az Milliyyet.com.tr-a istinadla xəbər verir ki, universitetdə olan polislər dava edənləri ayırmaq üçün əlavə qüvvələr çağırıblar. Dava yerinə xeyli sayda polis cəlb olunub.
Polislər dava edənləri ayırsalar da, bir-birinə daş və dəyənəklərlə hücum edən tələbələr yenidən toplaşmağa cəhd ediblər.
Hadisə zamanı bir tələbə və bir təhlükəsizlik işçisi xəsarət alıb. Yaralananlar kampusun Tibb fakültəsinin xəstəxanasına yerləşdiriliblər.
Tələbələrin təkrar qarşı-qarşıya gəlməməsi üçün polis ərazidə nəzarəti gücləndirib. Çağırışlara əməl etməyən 47 tələbəninin saxlandığı deyilir.
Tələbələrdən biri “PKK-lı vətən xainlərini oxumağa icazə verməyəcəyik. Biz vətənini sevənlərik. Xainlər, PKK dəstəkçiləri, bu vətənin çörəyini yeyib, bu ölkənin əsgərinə güllə atan insanları burada oxumağa qoymayacağıq” şüarını səsləndirib.
N.О.