Türkiyə Rusiyadan buğdanın rüsumsuz idxalına qadağa qoyub

Türkiyə hökuməti Rusiyadan buğda, qarğıdalı və günəbaxan yağının rüsumsuz idxalı üçün lisenziyaların verilməsini dayandırıb. 

Oxu.Az xəbər verir ki, bu barədə Kənd təsərrüfatı malları ixracatçıları Milli Assosiasiyasına istinadən “Kommersant” qəzeti məlumat yayıb. 

Məlumata əsasən, qeyd olunan malların Türkiyəyə idxal olunması üçün 130 faiz məbləğində rüsumun tətbiq ediləcəyi gözlənilir. Bu isə faktiki olaraq, tədarükün dayandırılması deməkdir. 

Türkiyə Rusiyadan buğdanın idxal həcminə görə Misirdən sonra dünyada ikinci yerdədir. 2016-cı ilin iyulundan 2017-ci ilin fevralınadək Türkiyə Rusiyadan 2 mln. ton buğda idxal edib. 

N.О.
www.oxu.az