Xarkovda sursat anbarında yanğın, 20 min insan təxliyyə edilib – VİDEO
Xarkovda sursat anbarında yanğın, 20 min insan təxliyyə edilib – VİDEO
Ukraynanın Xarkov vilayətində sursat anbarı yaxınlığında yerləşən yaşayış məntəqələrindən 20 minə yaxın insan təxliyyə edilib.
Oxu.Az-ın Report-a istinadən məlumatına görə, bu barədə Ukraynanın Fövqəladə Hallar üzrə Dövlət Xidməti xəbər verib.
“Əhalinin təxliyyəsi davam etdirilir. Verbovka kəndindən Prişib kəndinə 2700 insan təxliyyə edilib. Yakovenkovo kəndindən Voloxov Yar kəndinə - 806 nəfər, Balakleya şəhərindən isə 16317 nəfər təxliyyə edilib”, - məlumatda bildirilir.
Xəbərə görə, partlayışlar sursat anbarının texniki ərazisində baş verir. Lakin bəzən qəlpələr ətraf ərazilərə də düşür.
Xatırladaq ki, martın 23-nə keçən gecə Xarkov vilayətinin Balakleya şəhərində sursat anbarında detonasiya ilə nəticələnən yanğın baş verib. Ukraynanın hərbi prokuroru Anatoli Matios hadisənin təxribat nəticəsində baş verdiyini ehtimal edir.
S.B.
www.oxu.az