Ən böyük dinozavr izi tapıldı – FOTO

Kvislend Universitetinin bir qrup alimi Avstraliyanın şimal-qərbində rekord ölçüdə otyeyən zauropodun izini aşkar ediblər.

Oxu.Az-ın “The Washington Post” nəşrinə istinadən məlumatına görə, nəhəng iz James Price Point sahilində tapılıb. Dinozavrın “pəncə”sinin uzunluğu 1,6 metr təşkil edir. Alimlər ümumilikdə 21 qədim sürünənin izini aşkarlayıblar.

“Biz dünyada heç bir yerdə belə müxtəlif izlər görməmişdik”, - tədqiqatçı Stiv Solsberi öz təəssüratları ilə bölüşüb.

Paleantoloq tapıntı yerini “Yur dövrünün parkı” ilə müqayisə edərək bu yerin qorunmasına çağırıb.

Alimlər hesab edirlər ki, dinozavrlar James Price Point regionunda 127-144 milyon il əvvəl məskunlaşıblar.

S.B.
www.oxu.az