AŞPA-da Aqramunta etimad məsələsini nəzərdən keçirmək təklif olunub

 AŞPA-nın yaz sessiyasının işi qrumun rəhbəri Pedro Aqramuntun Suriyaya səfəri üzündən ona qarşı etimada dair məsələnin nəzərdən keçirilməsi haqqında təklifə görə dayandırılıb.

Oxu.Az RİA Novosti-yə istinadən xəbər verir ki, Aqramunt üzr istədikdən sonra AŞPA-nın siyasi qruplarının nümayəndələri etimada dari məsələnin qoyulmasını tələb ediblər. 

Parlamentarilər yerlərindən Aqramuntdan bu məsələ üzrə qərar qəbul etməyi və məsələni səsə qoymağı tələb ediblər. “Biz dinləmə keçirəcəyik, problem yoxdur”, - AŞPA rəhbəri bəyan edib. 

Daha bir kəskin çıxışdan sonra Aqramunt iclasa 10 dəqiqəlik ara verib. 
  
AŞPA tarixində etimad haqqında məsələ ilk dəfədir ki qaldırılır. 

N.O.
www.oxu.az