Fransa prezidenti Qarabağ münaqişəsindən danışdı

Dağlıq Qarabağ münaqişəsinin hərbi həlli yoxdur.

Oxu.Az erməni KİV-nə istinadən xəbər verir ki, bu barədə Fransa prezidenti Fransua Olland Parisdə çıxışı zamanı bəyan edib. 

F.Olland Fransanın danışıqlar prosesinə cəlb edilməsini xatırladıb və Fransanın ATƏT-in Minsk qrupunun həmsədri kimi məsələnin həllinə çalışdığını vurğulayıb.  

“Bu münaqişə hər il gənclərin ölümünə səbəb olur. Son illər bu münaqişə daha da kəskinləşib. Tərəflər artıq 23 ildən artıqdır ki, danışıqlar aparırlar, amma biz çıxış yolu tapmalıyıq, çünki status-kvo yolverilməzdir. Bu münaqişənin hərbi həlli yoxdur”, - Fransa prezidenti vurğulayıb. 

N.О.
www.oxu.az