ABŞ qitələrarası ballistik raketi sınaqdan keçirdi
ABŞ qitələrarası ballistik raketi sınaqdan keçirdi
Amerikalı hərbçilər qitələrarası “Minuteman III” ballistik raketi sınaqdan keçiriblər. Bu raket ölkənin strateji qüvvələrinin əsasını təşkil edir.
Oxu.Az RİA Novosti-yə istinadən xəbər verir ki, bu barədə ABŞ-ın HHQ-nin mətbuat xidməti məlumat verib.
Raketin buraxılışı çərşənbə gününə keçən gecə Kaliforniya ştatında Vandenberq aviabazasında həyata keçirilib. Qeyd edilir ki, “raket start yerindən təxminən 4,2 min mil məsafədə yerləşən Kvacaleyn poliqonuna çatıb”. Sınaq üçün Vayominq, Montana və Nebraska ştatlarında yerləşən HHQ bölmələri cavabdeh idi.
Daha öncə Amerika HHQ qlobal zərbələr komandanlığının nümayəndəsi sınaqların bir il öncə planlaşdırıldığı və Koreya yarımadasındakı vəziyyət ilə heç bir əlaqəsi olmadığını bəyan etmişdi.
A.M.
www.oxu.az