Çində tuneldə partlayış: Ölənlər var

Çində avtomobil tunelində partlayış baş verib. Qəzaya səbəb benzindaşıyan maşının digər yük maşını ilə toqquşması olub. 

Oxu.Az xəbər verir ki, bu barədə “China Daily” məlumat yayıb. 

Hadisə mayın 24-də səhər saatlarında Hebey əyalətində Çjantszyakou və Şitszyaçjuan şəhərləri arasında yolda olan tuneldə baş verib. Benzindaşıyan maşın yük maşını ilə toqquşub, nəticədə yağın olub, benzindaşıyan maşın partlayıb. Alov o qədər güclü olub ki, yalnız yolda olan avtomobilləri deyil, hətta tunelin üstündə olan evləri belə bürüyüb. 

Ölənlərin hamısı tunelin içində olan avtomobillərdə olub. Yanğın nəticəsində evlərdə yaşayan sakinlərdən on beş nəfəri yanıq yaraları və digər xəsarətlər alıblar. 

N.О.
www.oxu.az