Suriyada beynəlxalq koalisiyanın hava zərbəsi 20 insan həyatını aparıb

ABŞ-ın rəhbərlik etdiyi beynəlxalq koalisiya qüvvələrinin Suriyanın Rakka şəhərinə endirdiyi hava zərbəsi nəticəsində 20 dinc sakin həlak olub.

Oxu.Az Report-a istinadan xəbər verir ki, bu barədə Suriyanın “SANA” agentliyi yerli sakinlər arasındakı mənbəyə istinadən xəbər verib.

Xəbərdə bildirilir ki, aviasiya Rakka şəhəri sakinlərini daşıyan avtomobilə zərbə endirib. Beynəlxalq koalisiya məlumatı şərh etməyib.

Qeyd edək ki, koalisiya qüvvələri Rakkaya Suriya demokratik qüvvələrinə dəstək vermək üçün zərbələr endirir.

www.oxu.az