Moldova prezidenti Rusiya diplomatlarının qovulmasını pisləyib – YENİLƏNİB
Moldova prezidenti Rusiya diplomatlarının qovulmasını pisləyib – YENİLƏNİB
Moldova prezidenti İqor Dodon avropayönlü partiyaların koalisiyasından ibarət hökumət tərəfindən Rusiyanın Kişinyovdakı səfirliyinin 5 əməkdaşının “persona non qrata” elan edilməsini pisləyib.
Oxu.Az-ın APA-ya istinadən verdiyi xəbərə görə, İ.Dodob bildirib ki, hökumətin qərarı Rusiya ilə münasibətlərin bərpasına qarşı yönəlib.
“Düşünürəm ki, bu mənim Kreml ilə konstruktiv dialoqumdan narahat olan qərbin, ilk növbədə ABŞ-ın sifarişidir. Əminəm, onlar bununla ölkəmizi və xalqımızı necə mürəkkəb və riskli vəziyyətə gətirdiklərini anlamırlar. Bu kobud şəkildə atılan addım mənfi nəticələrsiz qalmayacaq”, -deyə İ.Dodon bildirib.
Qeyd edək ki, bu gün beş rusiyalı diplomatdan Moldovanı tərk etmək tələb olunub.
20:40
Beş rusiyalı diplomatdan Moldovanı tərk etmək tələb olunub.
Oxu.Az bu barədə APA-ya istinadla xəbər verir.
“Publika” telekanalı Moldova xarici işlər nazirliyinin mətbuat katibi Anna Samsonun sözügedən mövzu ilə bağlı açıqlamasını yayıb.
Hələ ki, hadisənin təfərrüatları barədə ətraflı məlumat verilmir.
A.S.