Əfqanıstanda məktəb bombardman edildi
Əfqanıstanda məktəb bombardman edildi
Əfqanıstanın Gündüz şəhərində orta məktəb havadan hücuma məruz qalıb.
Oxu.Az-ın məlumatına görə, hadisə nəticəsində yaxınlıqdakı evdə olan üç uşaq xəsarət alıb.
Məktəbin direktoru Gül Nəsiri bildirib ki, bombardman zamanı təhsil ocağında xoşbəxtlikdən heç kim olmayıb.
O əlavə edib ki, aviazərbələr zamanı məktəblə yanaşı, ətrafda yerləşən onlarla ev və mağaza dağıdılıb.
Hücumun kim tərəfindən həyata keçirilməsi barədə rəsmi məlumat yoxdur. Lakin yerli hakimiyyəti aviazərbələrə görə ABŞ-ın rəhbərlik etdiyi beynəlxalq koalisiya qüvvələrini günahlandırır.
Qeyd edək ki, hazırda Əfqanıstanda 8,5 min ABŞ əsgəri və 4,5 minə yaxın NATO-nun hərbi qulluqçusu var. Son vaxtlar ölkədə vəziyyət kəskin pisləşib. “Taliban” terror qruplaşması böyük şəhərlərə hücumlara başlayıb.
S.B.
www.oxu.az