Tanınmış rusiyalı aktyor vəfat edib

Teatr və kino aktyoru Vladimir Tolokonnikov iyulun 16-na keçən gecə Moskvada 75 yaşında vəfat edib.

Oxu.Az-ın xəbərinə görə, bu barədə RİA Novosti nəşri məlumat yayıb.

“Vladimir Alekseyeviç bu gecə Moskvada dünyasını dəyişib. Onun oğlu mənə bu barədə səhər saatlarında yazıb”, - agentliyə Tolokonnikovun uzun müddət işlədiyi Lermontov adına Respublika Akademik Rus Dramı teatrındakı mənbə deyib.

Teatr nümayəndəsinin sözlərinə görə, o, bir neçə gün bundan əvvəl Gelencikdən çəkilişdərdən sonra  Moskvaya qayıtmışdı.  

S.B.
www.oxu.az