Çexiyada donorlara əlavə imtiyazlar təqdim ediləcək
Çexiyada donorlara əlavə imtiyazlar təqdim ediləcək
2018-ci ildən etibarən Çexiyada donorlara əlavə imtiyazlar təqdim ediləcək. Hər dəfə təmənnasız qan verərkən vergi rüsum bazasından 2 deyil, 3 min kron, sümük iliyi üçün isə 20 min kron çıxa bilərlər.
Oxu.Az vinegret.cz-a istinadən xəbər verir ki, qanuna müvafiq düzəlişlər respublika Senatı tərəfindən qəbul edilib.
Sənəddə daha bir mühüm yenilik var. Çexiya qan donorları reyesterində qeydiyyatdan keçən hər bir şəxs vergi rüsum bazasından 8 min kron çıxa bilər. Amma bunu yalnız bir dəfə etmək mümkündür.
Yeni imtiyazlardan 2017-ci il üçün deklarasiya təqdim edilərkən istifadə etmək mümkündür. Qanuna dəyişiklikliyin məqsədi əhalini qan donoru olmaq üçün motivasiya etməkdir. Hazırda Çexiyada 270 min donor var, bu isə əhalinin 2,5%-ni təşkil edir. Bu, Dünya Səhiyyə Təşkilatının tövsiyə etdiyi saydan iki dəfə azdır.
S.S.
www.oxu.az