Rakkaya aviazərbələr – 40 dinc sakin ölüb

ABŞ-ın rəhbərlik etdiyi beynəlxalq koalisiyanın hava qüvvələrinin Suriyanın Rakka şəhərinə endirdiyi zərbə nəticəsində azı 40 dinc sakin ölüb.

Oxu.Az-ın APA-ya istinadən məlumatına görə, bu barədə Livanın “Al Mayadeen ” telekanalı xəbər verib.

Məlumata görə, dinc sakinlər mərmilərin yaşayış kvartallarına düşməsi nəticəsində ölüb.

Qeyd edək ki, Rakka  2013-cü ildən İSİD terror qruplaşmasının nəzarəti altındadır. Şəhərdə 4 minə yaxın silahlının olduğu ehtimal edilir. Rakka şəhərinin azad edilməsi əməliyyatı 2017-ci il, iyunun 5-də başlayıb.

S.B.
www.oxu.az