20 
Sen
2017
15:50
43
81
2092
Virtual karabakh

Bakıda Koreya kənd təsərrüfatı məhsullarının nümayişi olacaq

20 Sen, 2017
15:50
2092

Bakıda Koreya kənd təsərrüfatı məhsullarının nümayişi olacaq

Bizim WhatsApp kanalımıza buradan abunə ola bilərsiniz

Sentyabrın 27-də Ümumdünya Turizm günü münasibətilə Koreya səfirliyi, Koreya Ticarət və İnvestisiyaların Təşviqi Agentliyi (KOTRA), Dream Trading (koreya qida məhsullarının ixracını həyata keçirən şirkət), Koreya Aqro-Balıqçılıq və Ərzaq Ticarəti üzrə Korporasiyası, Koreya Kənd Təsərrüfatı, Ərzaq və Kənd işləri Nazirliyi tərəfindən Koreya Kənd Təsərrüfatı məhsullarının nümayişi təşkil olunacaq.

Səfirlikdən Oxu.Az-a verilən məlumata görə, Koreya mədəniyyətini özündə əks etdirən tədbir “İçərişəhər” Dövlət Tarix-Memarlıq Qoruğunda, Qız Qalası yaxınlığında, saat 11:00-dan 18:00-a qədər şəhərimizin sakinləri və qonaqlarına təqdim ediləcək.

Tədbirdə şəhər sakinləri Koreya kənd təsərrüfatı məhsullarının dadına baxmaq və Koreya milli çay mədəniyyətinin nümayişini izləmək imkanı əldə edəcəklər.

Tədbirin Programı:

Koreya kənd təsərrüfatı məhsullarından dadmaq.

Koreyanın milli çay mədəniyyətinin nümayişi.

Tədbirdə təqdim olunacaq məhsullar sırasına daxildir:

İçkilər və Çay: Zəngçiçəyi armud şirəsi, innab çayı, sitron çayı, omica şirəsi, Koreya qırmızı jenşen ekstraktı.

Spirtli içkilər: Sitron ətirli socu (Koreyanın milli şərabı), makgeoli (düyüdən hazırlanmış milli likör), liqanqju.

Qəlyanaltılar: qızardılmış şirin kartof, qızardılmış şabalıd, buğda unundan hazırlanmış Koreya milli ballı peçenyeləri, düyü unundan hazırlanmış Koreya şirniyyatları.

E.Ə.
www.oxu.az

Bizimlə əlaqə saxlayın

Digər Dünya xəbərləri