Qırğızıstan prezidenti Nazarbayev haqda dediklərindən peşman olub

Qırğızıstan prezidenti Almazbəy Atambayev qazaxıstanlı həmkarı Nursultan Nazarbayev haqda verdiyi sərt açıqlamaya görə peşman olub. 

Оxu.Az  bu barədə yerli KİV-ə istinadən xəbər verir.

Atambayev onun haqqında danışarkən çox emosional olduğu etiraf edib.

“Qazaxıstan prezidenti haqqında, ola bilsin ki, çox sərt danışmışdım. O da mənim kimi çox sadəlövh insandır”.

Atambayev Nazarbayevin ətrafındakı oliqarxları ittiham edərək, onların yalnız pul barədə düşündüklərini deyib.

Nazarbayevin prezident seçkiləri öncəsi müxalifət lideri Omurbek Babanovla görüşməsi Atambayevi özündən çıxarmışdı.

N.H.

www. oxu.az