Yumurta Türkiyədə silah hesab edilir - FOTO
Yumurta Türkiyədə silah hesab edilir - FOTO
Türkiyənin Ədirnə şəhərində qəribə hadisə baş verib.
Bazarda yumurta satan Görkəm Uslu CHP partiyasının üzvü və bələdiyyə sədri Rəcəb Gürkana yumurta ilə hücum edib.
Оxu.Az bu barədə "EurasiaDiary"yə istinadən xəbər verir.
Hadisənin qəribə tərəfi isə ona bu hərəkətinə görə həbs cəzası verilməsi olub.
Satıcı selfi çəkmək istəyib və bələdiyyə sədrinin icazəsi ilə ona yaxınlaşıb. Ancaq o, yumurtalarla Rəcəb Gürkanı "atəşə" tutub.
Ədirnə Cəza Məhkəməsi satıcını “ictimai vəzifəsi olan şəxsi qəsdən yaralamaq” maddəsi ilə təqsirləndirib.
Məhkəmədə ifadə verən satıcı isə bələdiyyə sədrini qəsdən yaraladığını inkar edib: “Məqsədim məni işdən çıxarmaq cəhdlərinə etiraz etmək idi. Yaralanma oldusa da, bunu istəməyərək etdim. Ancaq peşman oldum”.
Məhkəmə sədri yumurtanın silah sayıldığını bildirib və satıcını 1 il 15 gün həbs cəzasına məhkum edib.
N.H.