22 
Okt
2017
15:14
355
36
8469
Virtual karabakh

Saakaşvili mitinq şəhərciyində Hikmət Cavadovla şam etdi – VİDEO

22 Okt, 2017
15:14
8469

Saakaşvili mitinq şəhərciyində Hikmət Cavadovla şam etdi – VİDEO

Bizim WhatsApp kanalımıza buradan abunə ola bilərsiniz

Dünən Gürcüstanın sabiq prezidenti, Ukrayna müxalifətinin lideri Mixail Saakaşvili etirazçıların Kiyevdə Ali Radanın qarşısında yaratdığı çadır şəhərciyində olub.

Oxu.Az bakupost.az-a istinadən xəbər verir ki, o, etirazçılarla görüşüb və söhbət edib.

Saakaşvili ona dəstək verənlər arasında azərbaycanlıların da olduğunu bildiyini deyərək, şəhərcikdə Ukrayna Azərbaycanlılarının Birləşmiş Diasporunun sədri Hikmət Cavadovla görüşmək istəyib. O, diaspor sədri ilə söhbətində mitinqlərə dəstək verdiyi üçün Azərbaycan diaspor nümayəndələrinə təşəkkürünü bildirib. Saakaşvili qeyd edib ki, Ukraynadakı azərbaycanlıların ona verdiyi dəstəkdən xəbərdardır və bu barədə məlumatları daimi olaraq izləyir.

H.Cavadov Saakaşviliyə onu sona kimi dəstəkləyəcəklərini və hər gün etirazçıların yanında olduqlarını deyib.

Daha sonra Saakaşvili Cavadov və digər həmyerlilərimizlə birlikdə şam edib.

Qeyd edək ki, bir neçə gündür, Kiyevdə Ali Radanın qarşısında mitinq keçirilir. Mitinq iştirakçıları deputat toxunulmazlığının ləğvini, seçki qanunvericiliyinin dəyişdirilməsini və anti-korrupsiya məhkəməsinin yaradılmasını tələb edirlər.

Onu da bildirək ki, 2 gün əvvəl Ali Rada etirazçıların bir neçə tələbini icra etməyə başlayıb. Belə ki, Rada deputat toxunulmazlığının ləğvi haqqında qanunu baxılması üçün Konstitusiya Məhkəməsinə təqdim edib. Parlament həmçinin seçki qanunvericiliyini nəzərdən keçirməyə başlayıb. Lakin Ukraynada antikorrupsiya məhkəmələrinin yaradılması haqqında qanun layihəsi Radanın gündəliyinə daxil edilməyib.  

A.M.

www.oxu.az

Bizimlə əlaqə saxlayın

Digər Dünya xəbərləri