Sanksiya siyahısına düşən Rusiya təşkilatlarının sayı 400-ü ötdü

ABŞ Maliyyə nazirliyinin cümə günü elan etdiyi yenilənmiş sanksiyalar siyahısına düşən Rusiyanın hüquqi şəxslərinin sayı 400-ü ötüb.

Oxu.Az “İnterfaks”a istinadən xəbər verir ki, buna qədər “qara siyahı”da Rusiyaya aid yalnız 388 təşkilat və müəssisənin adları sadalanırdı.

Cümə günü yenilənmiş siyahıda hüquqi şəxslərin sayı 401-ə çatıb.

“Specially Designated Nationals List” adlı siyahıya eyni zamanda 24 Rusiyalı fiziki şəxsin adları əlavə edilib. Nəticədə sanksiyaya düşən Rusiya vətəndaşlarının sayı 179 nəfərə çatıb.

F.M.
www.oxu.az