Dek
2018
16:49
43
209
8714
Virtual karabakh

Şaxta babanın “sirrini” açan müəllim məktəbdən qovulub

6 Dek, 2018
16:49
8714

Şaxta babanın “sirrini” açan müəllim məktəbdən qovulub

Bizim WhatsApp kanalımıza buradan abunə ola bilərsiniz

ABŞ-ın Nyu-Cersi ştatının məktəblərindən birində çalışan müəllim şagirdlərə Şaxta babanın mövcud olmadığını dedikdən sonra məktəbdən qovulub. Təhsil müəssisəsinin rəhbərliyi Milad rəvayətlərinin tərəfini tutaraq bu addımı atıb.

Oxu.Az-ın məlumatına görə, bu haqda “Fox News” xəbər verib.

Müəllim dərs zamanı şagirdlərə bildirib ki, əslində, hədiyyələri şam ağacının altına onların valideynləri qoyur. Həmçinin, qadın pasxa dovşanı, diş pərisi, uçan Milad maralı, elflər və leprekonlar haqqındakı əfsanələrin də yalan olduğunu deyib. Telekanal qeyd edib ki, müəllim məktəbin rəsmi işçisi olmayıb. O, dərsə gələ bilməyən digər bir müəllimi əvəz edib.

Lakin şagirdlər müəllimin dediklərini ürək ağrısı ilə qəbul ediblər. Bir çox birinci sinif şagirdi məktəbi gözüyaşlı tərk edib. Uşaqların valideynləri isə müəllimin bu məntiqsiz hərəkətinə əsəbiləşiblər.

Məktəbin direktoru Maykl Rac bildirib ki, bu cür hərəkətlər yolverilməzdir və Milad bayramı öncəsi uşaqların arzularını və gözləntilərini məhv edir.

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar

Bizimlə əlaqə saxlayın

Digər Dünya xəbərləri