ABŞ-da ata azyaşlı qızını aeroportda sürüdü - VİDEO

ABŞ-ın paytaxtı Vaşinqtonun Dalles adına beynəlxalq aeroportunda kişi azyaşlı qızını gödəkçəsindən tutaraq sürüyüb. Hadisə şahidləri bu anları kameraya çəkiblər. 

Oxu.Az xəbər verir ki, bununla bağlı “The Sun” nəşri məlumat yayıb. 

Qız atasına heç bir müqavimət göstərməyib. Kadrlardan görünür ki, ata hadisə zamanı sakitliyini qoruyub və hətta laqeyd görünüb. 

Sosial şəbəkə istifadəçilərindən biri videoya belə şərh yazıb:

“Bəzən uşaqlar sözə qulaq asmırlar. Sən bu zaman tərs insanla etməli olduğunu edirsən! Burada uşağa zərər verə biləcək heç nə görmürəm”.