Lukaşenko Putinlə görüşdən danışdı: Heç kim heç kimi əymir
Lukaşenko Putinlə görüşdən danışdı: Heç kim heç kimi əymir
Aleksandr Lukaşenko Belarusla Rusiyanın birləşməsi haqqında söhbətlərin cəfəngiyat olduğunu və əsassız olaraq şişirdildiyini bildirib.
Oxu.Az xəbər verir ki, bu haqda “BelTa” məlumat yayıb.
“Rusiya prezidenti Vladimir Putinlə birmənalı olaraq qeyd etdik ki, gündəmdə birləşmə ilə bağlı heç bir məsələ yoxdur. Mən belə məsələlərin bizim cəmiyyətdə müzakirəsi baxımından cəfəng olduğunu və əsassız olaraq şişirdildiyini hesab edirəm”, - deyə Lukaşenko bildirib.
Lukaşenko qeyd edib ki, iki ölkənin ittifaqı bərabərhüquqlu əsasda inkişaf edir.
“Bunun fəsadlarını nəzərə alsaq, Rusiyanın bu addımı atmaq imkanı yoxdur. Ona görə sakitləşmək və kimsə kimisə əydi və ya əyir kimi söhbətlərə son qoymaq lazımdır. Burada heç kim heç kimi əymir”, - deyə Lukaşenko bildirib.