19 
Yan
2019
13:21
215
48
21009
Virtual karabakh

İtaliyada evlər su qiymətinə satılır - FOTO

19 Yan, 2019
13:21
21009

İtaliyada evlər su qiymətinə satılır - FOTO

Bizim WhatsApp kanalımıza buradan abunə ola bilərsiniz

İtaliyanın Sambuka-di-Siciliya qəsəbəsində gözəl mənzərənin açıldığı təpədə yerləşən mülk nə az, nə çox 1 avroya satılır.

Oxu.Az xəbər verir ki, bu haqda “Life.ru” məlumat yayıb.

Ancaq bunun bəzi nüansları var. İlk növbədə şəhər hakimiyyəti əhalinin böyük şəhərlərə köçməsindən sonra boşalmaqda olan qəsəbənin inkişafına nail olmağa çalışır. 

Yerli məmurlar alıcıların ən tez zamanda alqı-satqını gerçəkləşdirməsi üçün potensial alıcıları bürokratik problemlərdən azad etməyə söz verib.

Boş qalan evlər yerli administrasiyanın mülkiyyətində olduğundan, potensial alıcılar müqaviləni bilavasitə yerli hökumətlə bağlayacaq.

Alıcalar yuxarıda qeyd olunan məbləğə “əsrin alqı-satqısını” gerçəkləşdirsələr də, bir sıra şərtlərə mükəlləf olacaqlar.

Belə ki, alıcı həmin mülkün alqı-satqısından sonra onu üç il ərzində restavrasiya etməli olacaq; bu isə onlara 15 min avroya başa gələcək.

Bundan başqa təmir işlərinə başlamazdan əvvəl 5 min avro girov qoymalı olacaqlar. Qəsəbə administrasiyası restavrasiyanın başa çatmasından sonra həmin məbləği qaytarmağa söz verib.

Qəsəbənin meri Cuzeppe Kaçioppo əmin edir ki, alıcılar bu sövdələşmədən razı qalacaq. Çünki alacaqları ev dünyanın ən gözəl məkanlarından birində yerləşir.

Bizimlə əlaqə saxlayın

Digər Dünya xəbərləri