Pentaqon rəhbəri Əfqanıstana getdi

ABŞ müdafiə naziri vəzifəsini icra edən Patrik Şanahan qabaqcadan elan etmədən Əfqanıstana səfər edib.

Bu barədə “Associated Press” məlumat yayıb.

Agentliyin məlumatına əsasən, amerikalı hərbçi “Taliban” qruplaşmasının nümayəndələri ilə sülh danışıqları fonunda Əfqanıstandakı ABŞ hərbi komandanlığı ilə görüşmək niyyətində olub.

Müvəqqəti Pentaqon rəhbərinin səfərdən əvvəl verdiyi bəyanata əsasən, Əfqanıstan öz gələcək müqəddəratını, o cümlədən, taliblərlə münasibətlərin aqibətini özü müəyyən etməlidir.

Şanahan mətbuatda yayılan xəbərlərə münasibət bildirərək, ABŞ-ın Əfqanıstandakı şəxsi heyətinin ixtisarı ilə bağlı Ağ Evdən hər hansı göstərişin daxil olmadığını söyləyib.