ABŞ daha iki ölkədə hakimiyyəti dəyişmək istəyir

ABŞ təkcə Venesuelada yox, Nikaraqua və Kubada da hakimiyyəti dəyişmək istərdi.

Bu haqda ABŞ dövlət katibi Mayk Pompeo “Telemundo” telekanalına verdiyi müsahibədə bildirib.

Jurnalist Vaşinqtonun Nikaraqua və Kubada qeyri-demokratik rejimlərə qarşı mübarizə aparmaq niyyətində olub-olmadığını öyrənməyə çalışıb. Pompeo təsdiq cavabı verib.

“Etiraf edirik ki, bu ölkələrin hökumətləri öz xalqına qan uddurur, real təhdidlər yaradırlar: ümumilikdə təhlükəsizliyə və ayrı-ayrı fərdlərə təhdid yaradırlar, insanları təməl azadlıqlardan məhrum edirlər”, - amerikalı ali diplomat bildirib.

Pompeo qeyd edib ki, Tramp administrasiyası təkcə Venesuelada yox, qeyd olunan iki ölkədə də müsbət dəyişikliklərin əldə olunması üzərində çalışır.