Yaponiyanın sabiq baş nazirinin ölümü rəsmən təsdiqləndi - YENİLƏNİB + FOTO/VİDEO
Yaponiyanın sabiq baş nazirinin ölümü rəsmən təsdiqləndi - YENİLƏNİB + FOTO/VİDEO
Yaponiyanın keçmiş baş naziri Şinzo Abenin ölümünü Liberal-Demokrat Partiyasından təsdiqləyiblər.
Bu barədə NHK məlumat yayıb.
Siyasətçi sui-qəsd nəticəsində xəsarət almış və Nara prefekturasındakı xəstəxanalardan birinə çatdırılmışdı. Abe elə xəstəxanada keçinib.
10:34
Yaponiyanın keçmiş baş naziri Şinzo Abeni güllələyən şəxsin kimliyi müəyyənləşib.
O, Yaponiyanın Nara şəhərinin sakini, keçmiş dənizçi 41 yaşlı Tetsuya Yamaqamidir.
T. Yamaqami polisə verdiyi ilkin ifadəsində bildirib ki, keçmiş Baş nazirin yürütdüyü siyasətindən narazı olub və onu öldürmək qərarına gəlib.
Mənbə: NHK telekanalı
09:36
Silahlı hücuma məruz qalan Yaponiyanın sabiq Baş naziri Şinzo Abe vəfat edib.
Bu barədə Böyük Britaniyanın maliyyə naziri Nadhim Zəhavi öz “Twitter” səhifəsində məlumat verib.
“Biz siyasətlə insanlara xidmət etmək və dünyanı daha yaxşı bir yerə çevirmək üçün məşğul oluruq. Gözəl bir insan bu nəcib məqsəd uğrunda həyatını itirdi. Əbədi hüzur içində yatsın”, - britaniyalı nazir qeyd edib.
Heart breaking news from Japan. PM Shinzo Abe has died after being shot by an attacker. We enter politics to serve and try and make the world a better place, a good man has lost his life in pursuit of that noble aim. May he rest in eternal peace.
— Nadhim Zahawi (@nadhimzahawi) July 8, 2022
08:46
Yaponiyanın keçmiş Baş naziri Şinzo Abe insanlar qarşısında çıxışı zamanı silahlı hücuma məruz qalıb.
Hadisə Nara şəhərində baş verib. Siyasətçi huşsuz vəziyyətdə xəstəxanaya çatdırılıb.
Siyasətçiyə hücum edən şəxs saxlanılıb.
Həkimlərin məlumatına görə, Şinzo Abenin ürəyi dayanmış vəziyyətdədir, həyat əlaməti yoxdur.
Mənbə: NHK telekanalı