Türkiyədə iğtişaş törətmək istəyən 226 nəfər tutuldu - FOTO
Türkiyədə iğtişaş törətmək istəyən 226 nəfər tutuldu - FOTO
Türkiyədə “1 May” nümayişləri zamanı 30-a yaxın polis yaralanıb.
Bu barədə Türkiyə Daxili İşlər Nazirliyinin rəhbəri Ali Yerlikaya “X” hesabında yazıb.
Nazirin sözlərinə görə, Əmək və Həmrəylik Günündə ölkənin 78 vilayətində 210 etiraz aksiyası keçirilib, nəticədə polis 226 nəfəri saxlayıb. Tutulanların əksəriyyəti (217 nəfər) əvvəllər səlahiyyətlilər tərəfindən qadağan edilmiş İstanbulun Taksim meydanına keçməyə çalışıb. Bundan başqa Tunceli, Kahramanmaraş və Aydında da həbslər həyata keçirilib.
“Bu hadisələr zamanı hüquq-mühafizə orqanlarının 28 əməkdaşı yüngül xəsarət alıb”, - nazir bildirib.
Türkiyə polisinin hesablamalarına görə, ölkə boyu “1 May” nümayişlərində 241 minə yaxın insan iştirak edib.
1 Mayıs Emek ve Dayanışma Günü’nde ülkemiz genelinde siyasi partiler, sendikalar ve sivil toplum kuruluşları tarafından 7️⃣8️⃣ ilimizde toplam 2️⃣1️⃣0️⃣ etkinlik düzenlendi.
— Ali Yerlikaya (@AliYerlikaya) May 1, 2024
Miting, yürüyüş, basın açıklaması ve çelenk koyma gibi etkinliklere yaklaşık 2️⃣4️⃣1️⃣. 0️⃣0️⃣0️⃣ kişi katıldı.…
Xatırladaq ki, mayın 1-də Avropanın və dünyanın bir çox şəhərlərində etiraz aksiyaları keçirilib.
İspaniyada minlərlə nümayişçi iş həftəsinin qısaldılmasını tələb edib.
Parisdə nümayiş zamanı kustar üsulla hazırlanmış bomba partladılıb.
Ştutqartda polis nümayişçilərə qarşı dəyənək və bibər qazından istifadə edib.