Tomas Tuxel cənubi koreyalı futbolçunu tənqid atəşinə tutdu

Tomas Tuxel “Real Madrid”lə görüşdən sonra cənubi koreyalı futbolçunu tənqid edib.

Məlumata görə, “Real Madrid”lə görüşün sonlarına doğru penaltiyə səbəb olan cənubi koreyalı müdafiəçi Kim Min-Cae baş məşqçinin qəzəbinə tuş gəlib.

Tomas Tuxel futbolçu ilə bağlı açıqlamasında: “Hesabda irəli olduğumuz zaman müdafiə xarakterli oyuna üstünlük verməliyik. Bunu qəbul edirəm. Amma Kim Min-Caenin kobud səhvi və sərt davranışı qələbəni əldən verməyimizə səbəb oldu. Bütün məsuliyyət ona aiddir”, - deyib.

Qeyd edək ki, “Real Madrid”lə “Bavariya” arasında cavab görüşü may ayının 8-də “Santiaqo Bernabeu”da keçiriləcək.

Mənbə: Ntvspor.net