“Tesla” ABŞ-ın ən bahalı avtomobil şirkəti oldu

“Tesla” şirkəti ABŞ-ın ən bahalı avtomobil korporasiyası oldu. Bazar ertəsi o, “General Motors”u geridə qoyub, bunu satışın nəticələri sübut edir. 

Oxu.Az xəbər verir ki, bu barədə RG yazır. 

“Tesla”nın kapitalı 51,53 milyard dollardan ibarətdir, bu isə rəqib şirkətin dəyərindən 1 milyard dollar artıqdır. 

Şirkətin səhmlərinin artımı 3,1% və ya 311,93 dollara qədər olub, AFP məlumat yayıb. 

2016-cı ildə “Tesla” 84 min avtomobil satıb. Onun gəliri 7 milyard dollardan ibarət olub. Bununla yanaşı, 2016-cı ildə şirkət nüfuzunun aşağı düşməsinə görə zərər çəkdi. Buna səbəb olan hadisələrdən biri pilotsuz avtomobilin iştirakı ilə baş verən qəzada bir nəfərin ölməsi idi. Zərər 773 milyon dollardan ibarət oldu. 

N.O.
www.oxu.az