Bakıda daha bir “qoçu” sürücü peyda olub – VİDEO

Paytaxtda yol-hərəkət qaydalarını pozan sürücü Avtosfer.az-ın kamerasına düşüb.

Oxu.Az-ın məlumatına görə, hərəkətdə olan 10-HK-079 qeydiyyat nişanlı, "VAZ-2170" markalı avtomobilin sürücüsü düz xəttin tələbini pozaraq digər zolaqda hərəkət edən sürücünü hərəkət sürətini dəyişməyə məcbur edib.

Bu azmış kimi sürücü özünü haqlı bilərək mane olduğu avtomobili dayandırıb və irad bildirmək istəyib. Digər sürücü buna əhəmiyyət verməyərək, yoluna davam etmək istəyən zaman “Priora” sürücüsü yenidən mane olduğu sürücüyə yaxınlaşıb, dayanma işarəsi verərək onun qarşısına keçib. Sürücü ikinci dəfə dayanan zaman sərnişin daşıyan avtobusa da mane olaraq onun hərəkət sürətini dəyişməyə məruz qoyub.

A.M.

www.oxu.az