20 
Dek
2022
12:38
46
43
3075
Virtual karabakh

“CinemaPlus” 10 yaşını qeyd edir! - FOTO/VİDEO

20 Dek, 2022
12:38
3075

“CinemaPlus” 10 yaşını qeyd edir! - FOTO/VİDEO

Bizim WhatsApp kanalımıza buradan abunə ola bilərsiniz

Bu il məşhur “CinemaPlus” kinoteatrlar şəbəkəsinin 10 yaşı tamam olur.

Bu münasibətlə dekabrın 17-də “Dəniz Mall” ticarət mərkəzində yerləşən kinoteatrda “CinemaPlus” kinosevərlərlə birlikdə öz yubileyini qeyd etdi. Kinoteatr çoxlu sayda qonaqlarla möhtəşəm bir festival keçirdi.

Fotozona, şarlar, bayraqlar, “Dolivets Events” şirkətinin animatorları, hündürboy kuklalar və “Merry Band” peşəkar musiqi qrupunun müşayiəti ilə təkcə uşaqları deyil, böyükləri də sevindirdi.

“ArtEast Group” reklam agentliyi festivala böyük məmnuniyyətlə qatılan qonaqların və tamaşaçıların foto və videoçəkilişini təşkil etdi.

Lakin sürprizlər bununla da bitməyib və “CinemaPlus” belə əlamətdar gün üçün xüsusi hazırlanmış aksiya ilə hamını sevindirmək qərarına gəlib. Biletləri onlayn almaqla siz “Soliton” şirkətindən müxtəlif hədiyyələr qazanmaq şansı əldə edirsiniz. Aksiya dekabrın 31-dək qüvvədə olacaq.

“CinemaPlus” kinoteatrlar şəbəkəsi öz ənənəsini pozmayaraq növbəti dəfə çox parlaq festival keçirib. 

“CinemaPlus” şəbəkəsinə 10 kinoteatr, 50+ ekran və 5000+ oturacaq daxildir.

Yüksək ölçülü 3D-kontentini nümayiş etdirmək imkanı olan rəqəmsal proyeksiya sistemi və yüksəkkeyfiyyətli kinoekranlar ilə təchiz olunub. Həmçinin, gücləndirilmiş parlaqlıq və “Enhanced 4K Barco” dəqiq təsvirinə malikdir. Bütün bunlar və başqa amillər kinofilmləri ən yaxşı keyfiyyətdə nümayiş etdirmək imkanı yaradır.

“CinemaPlus” kinoteatrlar şəbəkəsinin tətbiq etdiyi “Platinum Movie Suites” konsepsiyası tamaşaçılara yüksək komfortlu, dəbdəbəli və dəridən hazırlanmış, söykənəcəyi tam arxaya açılan İtaliya və İspaniya istehsalı kreslolarda film izləmək və kinoseans zamanı qida və içkiləri sifariş etmək imkanı yaradır.

Həmçinin kinoteatrda zalların yuxarı pillələrində yerləşən, 6 nəfərdən 12 nəfərə kimi oturacaqları olan 6 şüşəli mini “Skybox” zalları var. Tamaşaçılar fərdi işıqlandırma və gadcetləri enerji ilə təmin etmək üçün cihazla təchiz olunmuş rahat oturacaqlarda film izləməkdən zövq ala biləcəklər. Hər bir “Skybox” zalına giriş lift ilə mümkündür.

Kinoteatrda xüsusi qonaqlar üçün quraşdırılmış masalar və ayaq dayağı olan geniş, rahat, avtomatik qatlanan oturacaqlarla təchiz olunmuş iki VIP DIAMOND zalı var. Bütün oturacaqlar bir-birindən müəyyən məsafədə yerləşir, bu da rahatlıq mühiti yaradır. Son sıralarda ev şəraitini xatırladan rahat divanlar var.

Bundan əlavə, “CinemaPlus” Azərbaycanda ilk dəfə “Dolby Atmos” texnologiyası tətbiq edib.
Səs müşayiətini kinoteatrın istənilən yerinə yerləşdirmək və yerini dəyişmək imkanı hesabına “Dolby Digital Atmos” film yaradıcılarına kinoda səsi yeni bir mərhələyə çıxarmaq imkan yaradır. Nəticədə tamaşaçı ekranda baş verənləri sadəcə izləmir, hadisənin mərkəzinə daxil olur.

Həmçinin, 4DX formatı ölkəmizdə yalnız “CinemaPlus” kinoteatrında tətbiq olunur. 4DX innovativ kinoteatr texnologiyası kəskin süjetli blokbasterləri və qorxu filmlərinin vizual effektlərini hərəkət, fırlanma və kreslodan titrəyişlər, su damcıları və külək, ildırım və qar, sabun köpükləri və ətir kimi əlavə xüsusi effektlərlə genişləndirir. Bunun nəticəsində 4DX tamaşaçıları böyük ekranda baş verən hadisələrə cəlb etməklə kino sənayesində ən valehedici formatlardan biri hesab olunur.

“CinemaPlus” hər zaman sizə xoş sürprizlər etməyə və kino dünyasında olan ən son premyeralarla sevindirməyə hazırdır.

Bizimlə əlaqə saxlayın

Digər CineMastercard xəbərləri