Azərbaycanlı müğənninin avtomobilini soydular

Keçmiş “N – brothers” qrupunun solisti, müğənni Vüsal Hacıyevin başına iş gəlib.

Oxu.Az Qafqazinfo-ya istinadla xəbər verir ki, gənc ifaçı avtomobilinin qarət olunduğunu bildirib.

“Hadisə ötən gücə Nərimanov prospekti ərazisində, evimin qarşısında baş verib. Avtomobilimin şüşəsini sındırıblar, talayıblar. Oğrular axtarış ediblər, fotoaparatımı götürüblər, amma sənədlərimə toxunmayıblar.

Hücumla bağlı 26-cı bölməyə müraciət etmişəm. Konkret olaraq heç kəsdən şübhələnmirəm. Bu ərazidə narkomanlar çoxdur. Onlardan biri edə bilər. Kamera olmadığı üçün bir az məsələ çətindir”, - deyə o bildirib.

A.S.
www.oxu.az