Tovuzda küçədə bir qrup şəxsə iradını bildirən qadın bıçaqlanıb

Axşam saatlarında Tovuz şəhərində bıçaqlanma hadisəsi baş verib.

Oxu.Az-ın Report-a istinadən məlumatına görə, 1977-ci il təvəllüdlü Kazımova Səbinə Sabir qızı küçədə bıçaqlanıb.

İlkin məlumata əsasən, o, aptekdən dərman alıb evə qayıdan zaman küçədə bir qrup şəxs dini təhqir edən sözlər işlədib. 

Qadın onlara iradını bildirdikdə isə tərəflər arasında mübahisə yaranıb. Nəticədə onlardan biri qadının qarın nahiyəsinə bir bıçaq zərbəsi endirib. Yaralı xəstəxanaya yerləşdirilib.

Faktla bağlı araşdırma aparılır.

S.B.
www.oxu.az