Yol polisinə çətin anlar yaşadan şəxsin görüntüləri yayıldı – FOTO

Ötən gecə Bakının Nərimanov rayonunda “BMW” markalı avtomobilin sürücüsünün sərxoş halda avtoxuliqanlıq edən şəxsin görüntləri yayılıb.

Oxu.Az Yenicag.az-a istinadən xəbər verir ki, ilkin məlumatda avtoxuliqanın atasının Dövlət Gömrük Komitəsində işlədiyi bildirilib. 

Lakin, DGK-nin mətbuat xidməti məlumat yayaraq bunu təkzib edib, gömrük orqanlarında Nüsrət Adıgözəlov adlı əməkdaş xidmət etmədiyi bildirilib.

Maraqlıdır ki, 10 LJ 600 dövlət nömrə nişanı əvvəllər “Mercedes” (“şessot”) markalı avtomobildə olub. 

Qeyd edək ki, noyabrın 17-də bəzi kütləvi informasiya vasitələrində yol hərəkəti qaydalarını pozan, Yol Patrul Xidməti əməkdaşlarının "saxla!" əmrinə tabe olmayan Adıgözəlov Elvin Nüsrət oğlu adlı şəxs barədə məlumat yayılıb və həmin məlumatda Elvin Adıgözəlovun Dövlət Gömrük Komitəsində yüksək vəzifə tutan Nüsrət Adıgözəlov adlı şəxsin oğlu olduğu iddia edilir.

E.Ə.
www.oxu.az