14 
Fev
2018
14:19
289
94
12106
Virtual karabakh

DTX Bakıda əməliyyat keçirib: Saxlanılan var – FOTO + YENİLƏNİB

İnsan sağlamlığına güclü təsir göstərən zərərli kimyəvi maddə hesab edilən civə satmaq istəyən şəxslər saxlanılıb.

DİN-in mətbuat xidmətindən Oxu.Az-a verilən məlumata görə, Nizami Rayon Polis İdarəsi 24-cü Polis Bölməsi və Dövlət Təhlükəsizliyi Xidmətinin (DTX) yerli idarəsinin əməkdaşlarının birgə həyata keçirdikləri əməliyyat nəticəsində Ağcəbədi rayon sakinləri, Tuqay İmanov, Adəm İsmayılov və əvvəllər məhkum olunmuş Hacı Qurbanov 400 qram civəni satmaq istəyən zaman cinayət başında saxlanılıblar.

Araşdırma zamanı məlum olub ki, əvvəlcə A.İsmayılov onda civə olması barədə digər dəstə üzvlərinə məlumat verib. 

Daha sonra H.Qurbanov həmin civəyə müştəri tapıb satmağı və əldə edilən pulu üç nəfər arasında bölməyi təklif edib.

Faktla bağlı Nizami Rayon Polis İdarəsinin İstintaq Şöbəsində cinayət işi başlanıb,  araşdırmalar davam etdirilir.

13.02.2017

Dövlət Təhlükəsizliyi Xidməti (DTX) və polis Bakıda birgə əməliyyat keçirib.

Oxu.Az-ın məlumatına görə, paytaxtın Nizami rayonunda həyata keçirilən əməliyyat nəticəsində Ağcabədi rayon sakinləri – Tuqay İmanov, Adəm İsmayılov və Ordubad sakini Hacı Qurbanov 400 qram civəni satarkən tutulublar.

Faktla bağlı araşdırma aparılır. 

www.oxu.az

Digər Kriminal xəbərləri