11 
Avq
2018
21:22
36
599
16968
Virtual karabakh

Bakıda qadın ərə getmək istəmədiyi kişi tərəfindən öldürüldü

11 Avq, 2018
21:22
16968

Bakıda qadın ərə getmək istəmədiyi kişi tərəfindən öldürüldü

Bizim WhatsApp kanalımıza buradan abunə ola bilərsiniz

Avqustun 10-da Bakının Xəzər rayonunda gənc qadın qətlə yetirilib. 

Oxu.Az xəbər verir ki, bu barədə “Sputnik Azərbaycan”a Xəzər rayonunun hüquq mühafizə orqanlarından bildiriblər.

Məlumata əsasən, 1994-cü il təvəllüdlü Bakı sakini Hümbətova Səkinə Hüseyn qızı Buzovna qəsəbəsində yaşadığı evi qarşısında çox sayda bıçaq zərbələri alıb.
İstintaq qrupu şübhəli şəxsin kimliyini müəyyən edib.

Bu, daha öncə AR Cinayət Məcəlləsinin 128 (qəsdən yüngül bədən xəsarəti yetirmək) və 178 (böyük məbləğdə ziyan vurmaqla dəfələrlə fırıldaq əməllərinin edilməsi) maddələri ilə məhkum edilən, 1991-ci il təvəllüdlü Mərdanov Zəfər Rafiq oğludur. Mərdanov hələlik saxlanılmayıb, bu istiqamətdə iş aparılır.

Məlum olub ki, hadisə yerinə Mərdanov tanışı Zülfiyyə Şiriyevaya məxsus “Mitsubishi” markalı avtomobildə gəlib. Qətl hadisəsi ərazidə yerləşdirilən müşahidə kamerası ilə qeydə alınıb. Daha sonra cinayətkarın avtomobili Şağan qəsəbəsində aşkarlanıb.

Şiriyeva hüquq mühafizə orqanları tərəfindən saxlanılıb. Müəyyən olunub ki, o, cinayət zamanı avtomobildə olub. Saxlanılan şəxs barəsində AR CM-nin 307-ci (cinayətin gizlədilməsi) maddəsi ilə cinayət işi qaldırılıb. 

İstintaq zamanı müəyyənləşib ki, cinayətin səbəbi mərhumun Mərdanova ərə getməkdən imtina etməsi olub.

Hümbətovanın azyaşlı uşağı qalıb. Faktla bağlı istintaq davam edir.

www.oxu.az

Bizimlə əlaqə saxlayın

Digər Kriminal xəbərləri