Azərbaycanda həbs edilən Türkiyə vətəndaşının məhkəməsi başladı

Türkiyədə dələduzluqda, saxta sənədlər hazırlamaqda təqsirləndirilən Ulluqçu Yaverin öz ölkəsinə ekstradisiya edilməsi ilə bağlı məhkəmə başlayıb. 

Oxu.Az xəbər verir ki, Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məlum olub ki, Ulluqçu 2006-cı ildə Türkiyədə dələduzluqda, saxta sənəd düzəltməkdə, maşınların motorundan nömrələri dəyişdirirək onları satmaqda ittiham edilib.

Türkiyə məhkəməsi onu 5 il 204 gün azadlıqdan məhrum edib.

Təqsirləndirilən şəxs isə Türkiyəyə getmək istəmədiyini bildirib:

“Artıq 12 ildir Azərbaycanda yaşayıram. Ailəm, azyaşlı uşaqlarım, işim burdadır”. 

Məhkəmə iclası noyabrın 21-də davam etidiriləcək. 

Qeyd edək ki, Türkiyə vətəndaşı Ulluqçu Yavər bu il Bakının Səbail rayonunda saxlanılıb.

Məlum olub ki, o, öz ölkəsində cinayət törədərək Azərbaycana qaçıb.

Etibar Məmmədov
www.oxu.az