10 
Apr
2019
14:52
247
46
15228
Virtual karabakh

Bakıda kriminal avtoritet saxlanıldı

10 Apr, 2019
14:52
15228

Bakıda kriminal avtoritet saxlanıldı

Bizim WhatsApp kanalımıza buradan abunə ola bilərsiniz

Bakının Sabunçu rayon Polis İdarəsinin əməkdaşları ağır cinayətlər üzrə əvvəllər məhkum olunan yerli sakinlərdən iri partiyada narkotik vasitə və odlu silah müsadirə edib.

Bu barədə Oxu.Az-a rayon Polis İdarəsindən məlumat verilib.

Aprelin 8-də “Maştağa” qəsəbəsində əməliyyatçılar əvvəllər qətlə görə məhkumluğu olan 1975-ci il təvəllüdlü Babayev Mütəllim Əmirəli oğlunu saxlayıb. Saxlanılan zaman onun üzərində 5,697 qram heroin olub.

M.Babayevin evində aparılan axtarış zamanı əməliyyatçılar daha 104 qram marixuana, 3  kiloqram 200 qram heroin və “Vinçester” tipli tüfəng aşkarlayaraq müsadirə edib.

Kəndin daha bir sakini – qəsdən adam öldürmə maddəsi ilə Rusiyada cəza çəkmiş kriminal avtoritet – 1975-ci il təvəllüdlü Hüseynov Rafael Oktay oğlu saxlanılıb. Polis əməkdaşları onun evində beş kiloqramdan çox marixuana aşkarlayıb.

Keçmiş məhbusların hər ikisinin narkotik vasitə alveri ilə məşğul olduğu müəyyənləşib. Hazırda fakt üzrə araşdırma aparılır. Cinayət işi açılıb.

Ramella İbrahimxəlilova

Bizimlə əlaqə saxlayın

Digər Kriminal xəbərləri