İyn
2019
13:36
11
157
3152
Virtual karabakh

Keçmiş məhkum kafedə müştəriləri bıçaqladı

4 İyn, 2019
13:36
3152

Keçmiş məhkum kafedə müştəriləri bıçaqladı

Bizim WhatsApp kanalımıza buradan abunə ola bilərsiniz

Bakıda kafelərdən birində keçmiş məhkum müştərilərə bıçaqla hücum edib.

Sabunçu Rayon Polis İdarəsindən Oxu.Az-a bildiriblər ki, hadisə iyunun 3-də saat 01:20-də Sabunçu qəsəbəsi, Gənclik küçəsində yerləşən kafedə qeydə alınıb.

Yerli sakinlər – 27 yaşlı Asif Ramiz oğlu Göyüşov və 27 yaşlı Müşfiq Etibar oğlu Allahverdiyev bıçaq zərbələrinə məruz qalıblar. Hər iki zərərçəkən 3 saylı Şəhər kliniki xəstəxanasına müraciət edib. A.Göyüşov qarın nahiyəsindən, digəri isə yüngül xəsarət alıb.

13-cü Polis Bölməsi əməkdaşlarının operativ-axtarış tədbirləri nəticəsində şübhəli şəxs saxlanılıb. O, vaxtilə məhkumluq həyatı yaşamış 56 yaşlı Əziz Teymurşah oğlu Əzizovdur.

Məlum olub ki, cinayət vaxtı hər üç şəxs sərxoş olub. Münaqişə yersiz mübahisə səbəbindən çıxıb.

Qeyd edək ki, ötən sutka Binəqədi rayonunda da bıçaqlanma hadisəsi olub. Saat 21:00-da 31 yaşlı Vüqar Şöhrət oğlu Əliyev qarın nahiyəsindən və ayağından bıçaq xəsarətləri alıb.

5-ci Polis Bölməsinin əməkdaşları cinayətdə şübhəli bilinən şəxsin axtarışına başlayıblar. Təfərrüat barədə məlumat verilmir.

Bizimlə əlaqə saxlayın

Digər Kriminal xəbərləri