22 
İyn
2019
13:22
59
351
21282
Virtual karabakh

Bakıda dəhşət: Gəlin qayınatasını öldürdü - İrad bildirdiyinə görə

22 İyn, 2019
13:22
21282

Bakıda dəhşət: Gəlin qayınatasını öldürdü - İrad bildirdiyinə görə

Bizim WhatsApp kanalımıza buradan abunə ola bilərsiniz

İstintaq Bakıda qətldə şübhəli bilinənlərin yalanını ifşa edib.

Söhbət Biləcəri qəsəbə sakini 61 yaşlı Əfzələddin Səmədovun qətlindən gedir. O, iyunun 12-də sinə və kürək nahiyələrində iki bıçaq yarası ilə gətirildiyi 1 nömrəli Kliniki Tibbi Mərkəzin həkimlərinin səylərinə baxmayaraq, həyatını itirib.

Binəqədi rayonu hüquq-mühafizə orqanlarından Oxu.Az-a verilən məlumata əsasən, istintaq tərəfindən dindirilən Səmədovun qohumları Ə.Səmədovun intihar etdiyini bildiriblər.

Onların sözlərinə görə, mərhum özü sinə nahiyəsinə bıçaq xəsarətləri yetirib. Qohumlar kürək nahiyəsində qeydə alınmış yaraları bıçağın tiyəsinin uzun olması ilə izah ediblər.

Lakin məhkəmə-tibbi ekspertizanın rəyi şübhəlilərin yalanını ifşa etməyə imkan verib. Belə ki, ikinci bıçaq zərbəsi kürək nahiyəsinə vurulub və belə olan halda intihar versiyası öz təsdiqini tapmayıb.

Sonradan məlum olub ki, qətlə yetirilmiş şəxsin gəlininin (etik qaydalara görə adı açıqlanmır) cinayətdə əli var. Məlum olub ki, Səmədov sərxoş vəziyyətdə qadına yersiz irad tutub. Nəticədə gəlin qayınatasını bıçaqlayıb. Qadın saxlanılıb, o, törətdiyi əməli etiraf edib.

Fakt üzrə araşdırma davam edir.

Ramella İbrahimxəlilova

Bizimlə əlaqə saxlayın

Digər Kriminal xəbərləri