Bakıda kişi qonşusunu bıçaqlayıb qaçdı
Bakıda kişi qonşusunu bıçaqlayıb qaçdı
Bakının Xəzər rayonu, Qala qəsəbə sakini, 43 yaşlı Ağalarov Əli Mirqubad oğlu baş vermiş münaqişə nəticəsində döş qəfəsi və kürəyindən iki bıçaq yarası alıb.
Bu barədə Oxu.Az-a hüquq-mühafizə orqanlarından məlumat verilib.
Qanlı hadisə ilə nəticələnən konflikt 10 dekabr, gecə saat 20:00 radələrində baş verib.
Zərərçəkənə ağır bədən xəsarətləri yetirən şəxs Əli Ağalarovun qonşusu, 1980-ci il təvəllüdlü Abdinov Həmid İntiqam oğludur.
Cinayəti törədən şəxs hadisə yerindən qaçaraq gizlənib.
Hazırda Xəzər rayonu 1-ci Polis Bölməsinin əməkdaşları hadisəni törədən şəxsin saxlanılması istiqamətində əməliyyat-axtarış tədbirləri həyata keçirilər.
Xəsarət alan şəxs ağır vəziyyətdə 3 saylı Şəhər Klinik Xəstəxanasına yerləşdirilib.
Baş vermiş bıçaqlanma hadisəsinin səbəbləri araşdırılır.
Ramella İbrahimxəlilova