Gəncədə qaçırılan avtomobil Mingəçevirdə tapılıb - VİDEO

Fevralın 20-də gecə saatlarında Gəncə şəhərinin Gülüstan qəsəbəsi ərazisindən, şəhər sakini Turan Haciyevə məxsus “VAZ-2107” markalı avtomobilin qaçırılması barədə polisə müraciət daxil olub.

Oxu.Az xəbər verir ki, Nizami rayon polis idarəsinin, Gəncə Şəhər baş polis idarəsinin Cinayət Axtarışı İdarəsinin və baş idarənin Təhlükəsiz Şəhər Xidmətinin bir yerdə keçirdikləri əməliyyat axtarış tədbirləri nəticəsində hadisəni törədən şəxsin Mingəçevir sakini, 32 yaşlı Məhəmməd Abbasov olduğu müəyyən edilib.

Abbasov şübhəli şəxs qismində saxlanılaraq polis şöbəsinə gətirilib.

Qeyd edək ki, Abbasov əvvəllər məhbus həyatı yaşayıb.

İndi onun bundan başqa cinayət hadisələrində izinin olub olmaması istiqamətində araşdırmalar aparılır.