Dek
2021
09:48
177
20
1751
Virtual karabakh

Masallıda arvadını uşağına süd verən zaman bıçaqlayan şəxsin məhkəməsi başlayır

Masallıda arvadını öldürməyə cəhddə təqsirləndirilən 36 yaşlı Əbilzadə Eşqin Qədir oğlunun cinayət işi üzrə ibtidai istintaqı başa çatıb.

APA xəbər verir ki, təqsirləndirilən şəxs barəsində toplanan cinayət işi materialları baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Nizami Quliyevin icraatına verilib.

Qeyd edək ki, hadisə bu il Masallı rayonu, Ərkivan qəsəbəsində qeydə alınıb. 36 yaşlı Əbilzadə Eşqin Qədir oğlu və 26 yaşlı həyat yoldaşı Əbilzadə Nərmin Şair qızının yaşadıqları evdə yaralı və huşsuz vəziyyətdə tapılması barədə məlumat yayılıb.

Hüquq-mühafizə orqanlarının əməkdaşlarının apardığı araşdırmalar zamanı müəyyən edilib ki, Eşqin Əbilzadə həyat yoldaşına 16 bıçaq zərbəsi vurduqdan sonra özünə də iki bıçaq zərbəsi vurub.

Məlum olub ki, Eşqin Əbilzadə həyat yoldaşını körpə uşağına süd verən zaman bıçaqlayıb.

Bizimlə əlaqə saxlayın

Digər Kriminal xəbərləri